شموخ وطن

ي وطنا بمجدك. . رمت رأس الطويله
حين ما كل من هاز .. الطويله وصلها
انت والله تطول .. و تقهر المستحيله
الخُطا ثابته …… تقصي مواطن زللها
شككوا فيك .. عدوان القيم والفضيله
مير صح ان مال العدله ….. الا جملها
وحاولوا يجعلونك ….. مسرحٍ للرذيله
وبذرة الخبث .. طاهر طينتك ما قبلها
وفكروا كيف يثنونك ….. بمكرٍ وحيله
ويمكر الله ….. ومكر الله يفسد حيلها
حطوا منظمات حقوق …. ماهي قليله
وجهوها وشافوا…… كيف يسري عملها
وطبل الحاسدين … في القناه العميله
امل ابليس بالجنه …. يشابه لاملها
وانكشف زيفها البراق . في ظرف ليله
وطاح عنها القناع …. وبأن فيها خللها
ومملكتنا تبختر …. كالعروس الجميله
وفي حقوق المواطن لبست اكمل حللها
يجحدونك ظلال .. أهل القلوب العليله
ويكشف الله من حظك ويفضح حيلها
ي وطن ما رضينا … لو لقينا بديله
جاذبية مشاعر فيك  … وقلوب دلها
انت محسود ف اربع . والحقايق دليله
كل (ن) يشوفها بالعين .. محدٍ جهلها
مهبط الوحي ..فيك ومهد راع الوسيله
خاتم الأنبياء …… حيٍ وميت نزلها
وقبلة المسلمين … إلى غزاها ب فيله
ابرهه والجيشوش …. إلى تقدم لأجلها
وانت محسود في قايد ما يحكم مثيله
كلما ما لت الحمله ….. بحنكه عدلها
ونايبه والله انه …. ما يلادى بجيله
سطوته نصبت قاده …. وقاده عزلها
وانت محسود .والله فالشعوب الاصيله
الله إلى على العزه ….. وحبك جبلها
ودهم يطرحونك … وانت مافيك حيله
وش خذت منك اعاصير الزمن ي جبلها

الشاعر : عايض جابر بن شعف